Qonşusunun hücumuna məruz qalan qadın 17 bıçaq zərbəsi alıb

Qonşusunu 17 yerindən bıçaqladı

İstanbulun Sancaqtəpə rayonunda dəhşətli hadisə baş verib.

Sonxeber.az türk mediasına istinadən xəbər verir ki, eyni binada yaşayan qadın, qonşusunun hücumuna məruz qalaraq 17 bıçaq zərbəsi alıb.

Hadisə bir neçə gün əvvəl Atatürk məhəlləsində qeydə alınıb. Məlumata görə, A.E. adlı şəxs hələlik bilinməyən səbəbdən qonşusu Ş.K.-ya hücum edib. Evdə tək olan gənc qadın, A.E. tərəfindən bədəninin müxtəlif nahiyələrindən 17 dəfə bıçaqlanaraq ağır yaralanıb.

Ətrafdakıların məlumatı əsasında əraziyə polis və təcili tibbi yardım briqadası cəlb olunub. Qan içində yerdə tapılan Ş.K.-ya ilkin tibbi yardım göstərilib və o, İlhan Varank Təhsil və Araşdırma Xəstəxanasına çatdırılıb. Hazırda qadının reanimasiya şöbəsində müalicəsi davam etdirilir və həyati təhlükəsinin olduğu bildirilir.

Hücumun ardından qaçmaq istəyən A.E. polis tərəfindən qısa müddətdə saxlanılıb. Onun 4 müxtəlif cinayətdən məhkumluğunun olduğu iddia edilir.

Şübhəli, polisdəki istintaq prosedurlarından sonra məhkəməyə çıxarılıb və barəsində həbs qərarı verilib. Hadisənin səbəbləri ilə bağlı araşdırmalar davam edir.

Telegramda izləyin