Küçədə bıçaqlı dava: 33 yaşlı kişi həyatını itirdi - VİDEO

İzmirin Karabağlar rayonunda iki qrup arasında baş verən dava faciə ilə nəticələnib.

Sonxeber.az türk mediasına istinadən xəbər verir ki, insident saat 22:00 radələrində Devrim məhəlləsinin 3771/6 küçəsində baş verib.

İddiaya görə, küçədə başlayan mübahisə qısa zamanda bıçaqlı davaya çevrilib. Bu zaman 24 yaşlı B.S. əlindəki bıçaqla Selim Yağıza dəfələrlə zərbə endirib. Yaralanan Yağız qanlar içində yerə yıxılıb. Hadisədən sonra şübhəli qaçaraq ərazidən uzaqlaşıb.

Əhalnin məlumatı əsasında əraziyə polis və təcili tibbi yardım əməkdaşları cəlb olunub. Sağlıq işçilərinin yoxlaması nəticəsində Selim Yağızın hadisə yerində həyatını itirdiyi müəyyənləşdirilib.

Hadisə yerində araşdırma aparan polis, Yağızın meyitini prokurorun göstərişi ilə incələnmə üçün İzmir Məhkəmə Tibbi Ekspertiza İdarəsinin morquna göndərib.

Məlum olub ki, şübhəli B.S.-nin 27 cinayət qeydi, həyatını itirən Selim Yağızın isə 10 cinayət qeydi var. Təhlükəsizlik kameralarına yansıyan görüntülərdə B.S.-nin əlindəki bıçaqla ardıcıl zərbələr endirdiyi açıq şəkildə görünür.

İzmir Asayiş Şöbəsi Cinayət Bürosu hadisə ilə bağlı genişmiqyaslı istintaq başladıb. Cinayəti törədən B.S.-nin saxlanılması üçün əməliyyatlar davam edir.

Telegramda izləyin