Həbsxanadan icazə ilə çıxan kişinin meyiti tapıldı - VİDEO

Antalyanın Muratpaşa rayonunda dəhşətli hadisə baş verib.

Sonxeber.az türk mediasına istinadən xəbər verir ki, bir neçə gün əvvəl həbsxanadan icazə ilə çıxan 28 yaşlı Emin Aralın meyiti dənizdə aşkarlanıb.

Hadisə saat 16:00 radələrində Gençlik məhəlləsində qeydə alınıb. Şahidlərin bildirdiyinə görə, üzərində geyimləri olan bir şəxsin suda hərəkətsiz qaldığını görən vətəndaşlar dərhal 112 Təcili Çağrı Mərkəzinə məlumat veriblər.

Hadisə yerinə polis və təcili tibbi yardım briqadası ilə yanaşı, Antalya Polis İdarəsinin Dəniz Limanı Şöbəsinə bağlı qayıq göndərilib. Qısa axtarışdan sonra dəniz polisi şəxsi sudan çıxararaq Antalya Yat Limanına gətirib.

Burada gözləyən təcili tibbi yardım əməkdaşlarının yoxlaması zamanı şəxsin Emin Aral (28) adına sənəd daşıdığı və artıq həyatını itirdiyi müəyyən edilib. Hadisə zamanı Yat Limanında gəzintiyə çıxan turistlər və vətəndaşlar da prosesi izləyiblər.

Hadisə yeri araşdırmasından sonra Aralın meyiti dəqiq ölüm səbəbinin müəyyən edilməsi üçün Antalya Məhkəmə-Tibbi Ekspertiza İnstitutunun morquna təhvil verilib.

Emin Aralın bir müddət əvvəl həbsxanadan icazə ilə çıxdığı bildirilib.

Telegramda izləyin