Dəhşətli qəzada biri uşaq olmaqla 5 nəfər həlak oldu - VİDEO

Türkiyədə, Ankara–İzmir D300 magistral yolunda, Caferbəy qovşağı yaxınlığında baş verən ağır yol qəzası faciə ilə nəticələndi.

Sonxeber.az türk mediasına istinadən xəbər verir ki, məlumata görə, Salihlidən İzmir istiqamətinə hərəkət edən, sürücüsü hələ müəyyənləşdirilməmiş 35 BLC 88 dövlət qeydiyyat nişanlı minik avtomobili idarəetməni itirərək qarşı zolağa keçib. Bu an qarşıdan gələn Mert G. (41) idarəsindəki 45 AVV 432 nömrəli maşın üz-üzə toqquşub.

Zərbənin gücü nəticəsində minik avtomobilində olan Tuğçə Karakayış (35), Elif Büşra Uzunaltın (29), Abdullah Mavzer (27), Hamza Uzunaltın (32) və 6 yaşlı Kemal Uzunaltın hadisə yerindəcə həyatını itiriblər.

Hadisə ilə bağlı təhlükəsizlik kamerası görüntüləri də üzə çıxıb. Yaxınlıqdakı bir iş yerinə aid kamerada avtomobilin qəfil idarəetmədən çıxaraq qarşı zolağa keçdiyi və pikapla üz-üzə toqquşduğu anlar açıq şəkildə qeydə alınıb.

Telegramda izləyin