Sinif yoldaşını yumruq və təpiklə döydü: 14 yaşlı şagird xəstəxanalıq oldu

Türkiyədə, Çanaqqalanın Biga rayonunda yerləşən İÇDAŞ Peşə və Texniki Anadolu Liseyində dəhşətli hadisə baş verib.

Sonxeber.az türk mediasına istinadən xəbər verir ki, sentyabrın 25-də saat 15:30 radələrində sinif yoldaşları arasında başlayan mübahisə ağır nəticələnib.

İddialara görə, 14 yaşlı M.D.Y. təsadüfən həmyaşıdı Y.C.-nin ayağına basıb. Buna əsəbiləşən Y.C., M.D.Y.-yə yumruq atıb. Aldığı zərbədən başı partaya dəymiş M.D.Y. yerə yıxılıb. Y.C. isə yerə düşən sinif yoldaşını yumruq və təpiklə döyməyə davam edib.

Növbətçi müəllim dərhal hadisəni tibbi yardıma xəbər verib. Gələn həkimlər M.D.Y.-nin ürəyinin dayandığını müəyyən ediblər. Təcili müdaxilə nəticəsində onun ürəyi yenidən işlədilib. İlk olaraq Biga Dövlət Xəstəxanasına, daha sonra isə Çanaqqala Onsekiz Mart Universiteti Xəstəxanasına yerləşdirilən şagirdin beyin qanaması keçirdiyi və bir çox orqanında zədələr yarandığı açıqlanıb.

Telegramda izləyin