Dostlarının öldüyünü görüb polisi çağırdıqdan sonra hadisə yerindən qaçdılar

Türkiyənin şəhəri Bursanın İnegöl rayonunun Yenice məhəlləsində, Kel Mehmet küçəsində yerləşən 3 mərtəbəli binanın sonuncu qatında müəmmalı ölüm hadisəsi baş verib.

Sonxeber.az türk mediasına istinadən xəbər verir ki, kimliyi hələ müəyyən edilməyən, 20 yaşlarında olduğu bildirilən əcnəbi gənc, yaşadığı mənzildə dostları tərəfindən hərəkətsiz halda tapılıb. Hadisə barədə məlumat verildikdən sonra əraziyə polis və təcili tibbi yardım briqadaları cəlb olunub.

Səhiyyə əməkdaşlarının keçirdiyi ilkin müayinədə, gəncin bir neçə saat öncə həyatını itirdiyi müəyyən olunub.

İddiaya görə, hadisəni polisə bildirən dostları hüquq-mühafizə orqanları gəlməmiş ərazidən uzaqlaşıblar. Meyit prokurorluğun ilkin araşdırmasından sonra dəqiq ölüm səbəbinin müəyyən olunması üçün Bursa Ədliyyə-Tibb İnstitutuna göndərilib.

Hadisə ilə bağlı araşdırma aparılır.

Telegramda izləyin