Xərçəng xəstəsi arvadını yuxuda güllələyən kişi: "Psixoloji vəziyyətim yaxşı deyildi, tez-tez mübahisə edirdik"

Türkiyənin İzmir şəhərinin Bornova rayonunda dəhşətli ailə faciəsi yaşanıb.

Sonxeber.az türk mediasına istinadən xəbər verir ki, 70 yaşlı Rüstem Teker, xərçəng xəstəsi olan 69 yaşlı həyat yoldaşı İzadiyə Tekeri evdə yatdığı yerdə tapança ilə vuraraq qətlə yetirib.

Qadını güllələdikdən sonra Rüstem Teker özü 112 Təcili Yardım Mərkəzinə zəng edərək cinayəti törətdiyini bildirib.

Əraziyə gələn polis və təcili tibbi yardım əməkdaşları İzadiyə Tekerin həyatını itirdiyini müəyyən ediblər. Rüstem Teker dərhal polis tərəfindən saxlanılıb. Mərhumun meyiti İzmir Məhkəmə-Tibbi Ekspertiza qurumunun morquna təhvil verilib.

Hazırda polis idarəsində istintaq prosesi davam edən Rüstem Tekerin verdiyi ifadədə, həyat yoldaşının 6 ildir limfa xərçəngi ilə mübarizə apardığını, bu müddət ərzində hər ikisinin də psixoloji durumunun ciddi şəkildə pozulduğunu və tez-tez mübahisələr yaşandıqlarını bildirib.

Rüstem Tekerin sözlərinə görə:

"Yoldaşım 6 ildir lenf xərçəngi idi. Müalicəsi davam edirdi. Bu müddətdə psixoloji vəziyyətimiz çox pisləşdi. Aramızda tez-tez mübahisələr olurdu. Üzgünəm".

Telegramda izləyin