Yolkənarı kafedə içkini bəyənməyən sürücü qadın işçiyə hücum etdi, qadın görün necə cavab verdi - VİDEO

ABŞ-ın Sietl şəhərində yerləşən yolkənarı qəhvə köşkünün qarşısında müştəri ilə işçi arasında insident baş verib.

Sonxeber.az türk mediasına istinadən xəbər verir ki, hadisə anı təhlükəsizlik kamerasına düşüb və görüntülər sosial şəbəkələrdə geniş rezonans doğurub.

Məlumata görə, avtomobilində olan kişi müştəri aldığı içkini bəyənməyib və içkini qadın işçinin üzərinə atıb. Bu hərəkətə qəzəblənən işçi isə əlindəki çəkiclə sürücünün avtomobilinin ön şüşəsini sındırıb.

Hadisə zamanı xəsarət alan olmasa da, görüntülər sosial mediada müştəri aqressiyası və işçilərin təhlükəsizliyi mövzularında müzakirələrə səbəb olub. Hadisə ilə bağlı yerli polis araşdırma aparır.

Telegramda izləyin