Ac ayı yemək tapmaq üçün şəhərin mərkəzinə çıxdı, küçə itləri arxasınca düşdü - VİDEO

Türkiyənin Kastamonu vilayətinin İnebolu rayonunda maraqlı hadisə baş verib.

Sonxeber.az türk mediasına istinadən xəbər verir ki, aclıq çəkən bir ayı yemək tapmaq ümidi ilə şəhər mərkəzinə enib. Hadisə anı ətrafdakı təhlükəsizlik kameralarına yansıyıb. Görüntülərdə ayının küçələrdə qaçdığı, daha sonra isə bir müddət dayanaraq ətrafa baxdığı görünür.

Məlumata görə, ayı əvvəlcə Bələdiyyə binasının qarşısından keçərək Cumhuriyyət prospektinə, ordan isə Hürriyyət prospektinə doğru hərəkət edib. Bu zaman ərazidə olan küçə itləri ayını görərək hürməyə və onun arxasınca qaçmağa başlayıblar.

Kadrların davamında itlərin təqibindən qaçan ayının Hökumət binası istiqamətində qaçaraq gözdən itdiyi görünür.

Hadisə sakinlər arasında həm qorxu, həm də maraq doğurub. Ayının meşəlik əraziyə qayıdıb-qayıtmadığı ilə bağlı aidiyyəti qurumlar tərəfindən araşdırma aparılır.

Telegramda izləyin