Dostuna bir gün evində qalmağa icazə verdi, qarşılığında pul istədi - VİDEO

Sosial mediada bir gənc qızın paylaşdığı video qısa zamanda gündəm yaradıb.

Sonxeber.az türk mediasına istinadən xəbər verir ki, dostunun evində bir gecə qaldığını bildirən gənc, səhər ev sahibinin ondan "xərcləri ödəməsini" istədiyini deyib. Hadisədən şoka düşən qız həmin anları "Əsəbdən əlim-ayağım titrəyir" qeydi ilə paylaşaraq izləyicilərlə bölüşüb.

Video az vaxtda minlərlə baxış toplayıb və sosial şəbəkələrdə müzakirələrə səbəb olub. İzləyicilərin bir qismi qızı müdafiə edərək, "Haqlıdır, həyat çox bahalaşıb", "Pul qazanmaq asan deyil", "Əgər doğrudursa, bu necə dostluqdur?" kimi rəylər yazıblar.

Bəzi istifadəçilər isə videonun reytinq və izlənmə qazanmaq məqsədilə qurulduğunu irəli sürüblər. Onlar "Gerçək olduğuna inanmıram", "Əgər bu sadəcə izlənmə üçündürsə, ayıbdır" kimi şərhlərlə narazılıqlarını bildiriblər.

Hazırda hadisənin real olub-olmadığı dəqiqləşməsə də, video sosial mediada geniş rezonans doğurub.

Telegramda izləyin