Dəhşətli ailə faciəsi - oğul atasını tüfənglə vuraraq öldürdü

Türkiyənin Çorum şəhərində dəhşətli ailə faciəsi baş verib.

Sonxeber.az türk mediasına istinadən xəbər verir ki, ata və oğul arasında yaranan mübahisə qanla nəticələnib. 37 yaşlı kişi, atasını tüfənglə vuraraq hadisə yerində öldürüb.

Hadisə gecə saatlarında Kamışlı Evler məhəlləsinin 5-ci küçəsində qeydə alınıb. İlkin məlumata görə, 59 yaşlı Yaşar Yılmaz ilə oğlu M.Y. (37) arasında naməlum səbəbdən mübahisə düşüb. Qısa zamanda gərginlik davaya çevrilib və M.Y. yanında olan tüfənglə atasına atəş açıb.

Silah səslərini eşidən qonşular dərhal polisə və təcili yardıma xəbər veriblər. Hadisə yerinə gələn tibb işçiləri Yaşar Yılmazın hadisə yerində həyatını itirdiyini müəyyən ediblər.

Polis və kriminal ekspertlər evdə genişmiqyaslı araşdırma aparıblar. Atasını öldürərək hadisə yerindən qaçan M.Y.-nin tutulması üçün axtarış tədbirləri davam edir.

Telegramda izləyin