Azyaşlıya marketin kassasından pul oğurlatdılar - VİDEO

Bursanın İnegöl rayonunda baş verən maraqlı oğurluq hadisəsi təhlükəsizlik kameralarına düşüb.

Sonxeber.az türk mediasına istinadən xəbər verir ki, hadisə zamanı iki qadın, yanlarında gətirdikləri uşağı istifadə edərək bir dükanının kassasından 3 min lirə pul oğurlayıb.

Hadisə Ahmet Akyollu küçəsindəki dükanda qeydə alınıb. Məlumata görə, biri uşaq olmaqla üç nəfər çiy köftə almaq bəhanəsi ilə mağazaya daxil olub. Dükan sahibi qısa müddətlik çölə çıxdığı anda, qadınlar uşağa kassadakı pulu götürməyi tapşırıblar.

Uşaq kassadan 3 min lirəni götürərək qadınlara verib və onlar dərhal hadisə yerindən uzaqlaşıblar. Bütün hadisə təhlükəsizlik kamerasına saniyə-saniyə əks olunub.

Polis əməkdaşları, hələlik şəxsiyyəti müəyyənləşdirilməmiş şübhəlilərin saxlanılması üçün axtarışlara başlayıb.

Hadisə ilə bağlı istintaq davam edir.

Telegramda izləyin