Evdə doğduğu körpəsini zibilliyə atan qadın həbs olundu - VİDEO

Samsunda vicdan sızladan hadisə baş verib.

Sonxeber.az türk mediasına istinadən xəbər verir ki, 41 yaşlı H.C. adlı qadın evinin hamamında doğduğu körpəsini zibilliyə atıb. Hadisə ilə bağlı araşdırma aparan polis əməkdaşları, qadının ifadəsi əsasında zibil konteynerlərində və tullantı məntəqələrində axtarış aparsalar da, körpə tapılmayıb.

Hadisə şəhərin İlkadım rayonunun Fevzi Çakmak məhəlləsində baş verib. Məlumata görə, üç uşaq anası olan və daha əvvəl boşanmış H.C. hamiləliyini gizlədərək, evdə təkbaşına doğum edib.

Doğuşdan sonra səhhəti pisləşən qadın 14 oktyabrda Samsun Qadın Doğum və Uşaq Xəstəlikləri Xəstəxanasına müraciət edib. Müayinə zamanı onun yaxın zamanda doğuş etdiyi müəyyənləşdirilib. Körpənin harada olması barədə suala cavab verməyən qadının vəziyyəti polisə bildirilib.

Cinayət Axtarış Şöbəsinin əməkdaşları qadının verdiyi ifadə əsasında zibil konteynerlərini və çöp məntəqələrini araşdırsa da, körpənin meyiti aşkarlanmayıb.

Xəstəxanadan çıxarıldıqdan sonra H.C. polis tərəfindən saxlanılıb. İlk ifadəsində o deyib:

"Körpəni evdə doğdum, uşaqlarım bilməsin deyə hamamda beşiyə bükdüm. Sonra orada gizlətdim. Ertəsi gün əmizdirmək üçün gedəndə ölmüş olduğunu gördüm. Poketə qoyub zibilə atdım."

Daha sonra məhkəməyə çıxarılan qadın, ilk ifadəsinin əksinə olaraq savcılıqda körpənin canlı doğulduğunu etiraf edib.

H.C. barəsində həbs qərarı çıxarılaraq Samsun T tipli Qapalı Həbsxanaya göndərilib.

İstintaq zamanı məlum olub ki, körpə evdə 4–5 gün qalıb, sonra zibilə atılıb. Həmçinin qadının hamiləlik dövründə ata namizədinin kimliyi ilə bağlı şübhələrə görə doğuşdan sonra DNA testi etdirməyi düşündüyü, ötən il isə bir dəfə abort etdirdiyi də iddia olunur.

Hadisə ilə bağlı araşdırmalar davam etdirilir.

Telegramda izləyin