Bir ananın çarəsizliyi: Görüntüləri qeyd alan şəxs müdaxilə etmədi - VİDEO

Təbiətin amansız üzünü əks etdirən görüntülər sosial şəbəkədə gündəmə çevrilib.

Sonxeber.az türk mediasına istinadən xəbər verir ki, bir ana quşun yuvasına girən ilan, balalarına sarılaraq onları udmağa başlayıb. Bu anlarda çarəsiz qalan ana quş fəryad edərək baş verənləri izləyib.

Görüntüləri qeydə alan şəxsə sosial şəbəkələrdə fərqli reaksiyalar gəlib. Bəzi istifadəçilər, "Niyə müdaxilə etmədin, balaları xilas edə bilərdin?" deyə etiraz ediblər. Digər bir qrup isə, "Bu, təbiətin qanunudur, çəkilişi edən şəxs düzgün davranıb" fikrini irəli sürüb.

Qısa müddətdə milyonlarla baxış toplayan video, vəhşi təbiətin sərt və acımasız reallıqlarını bir daha göz önünə sərib.

Telegramda izləyin