Sənaye ərazisində park edilmiş 5 avtomobil yandırıldı – polis şübhəlini axtarır

Türkiyənin Mersin vilayətinin Tarsus rayonunda müəmmalı hadisə baş verib.

Sonxeber.az türk mediasına istinadən xəbər verir ki, təmir üçün sənaye zonasına gətirilən 5 avtomobil naməlum şəxs tərəfindən yanıcı maddə ilə yandırılıb.

Hadisə gecə saatlarında Tekke məhəlləsindəki sənaye sahəsində baş verib. Məlumata görə, kimliyi hələ müəyyənləşdirilməmiş şəxs, təmir üçün gətirilərək obyektlərin qarşısında park edilmiş 5 avtomobilin üzərinə yanıcı maddə tökərək onları od vurub yandırıb.

Ərazidən qalxan alovu görən vətəndaşlar dərhal polisə və yanğınsöndürənlərə məlumat veriblər. Qısa müddətdə hadisə yerinə çatan Mersin Böyükşəhər Bələdiyyəsinə bağlı Tarsus Yanğınsöndürmə Xidməti alovları nəzarət altına alıb. Yanğın nəticəsində bütün avtomobillər ciddi şəkildə zərər görüb.

Polis hadisədən sonra ərazidəki təhlükəsizlik kameralarının görüntülərini araşdırıb. Kadrlarda kapüşonlu bir şəxsin ətrafa baxındıqdan sonra yerə atılmış "köpük" adlı yanıcı maddəni götürərək irəlilədiyi anlar qeydə alınıb.

Hazırda polis şübhəlinin kimliyinin müəyyənləşdirilməsi və saxlanılması istiqamətində araşdırmaları davam etdirir. Hadisə ilə bağlı istintaq başladılıb.

Telegramda izləyin