Qəhvəsini kanalizasiyaya tökən qadının başına görün nə gəldi

Böyük Britaniyanın paytaxtı Londonda yaşayan türk əsilli Burcu Yeşilyurt, qəhvəsinin qalıqlarını kanalizasiyaya tökdüyünə görə 150 funt sterlin ( təxminən 315 manat) məbləğində cərimələnib.

Sonxeber.az türk mediasına istinadən xəbər verir ki, hadisə Londona bağlı Batı Londra bölgəsində, Richmond stansiyası yaxınlığındakı avtobus dayanacağında baş verib. Çevrə zabitələri Yeşilyurtu, 1990-cı il Ətraf Mühitin Mühafizəsi Qanununun 33-cü maddəsi əsasında cərimələyib.

Hadisədən sonra açıqlama verən Burcu Yeşilyurt, cəriməni görəndə çox təəccübləndiyini bildirib:

"Avtobusumun yaxınlaşdığını gördüm, ona görə də fincanımda qalan az miqdarda qəhvəni tökdüm. Həqiqətən çox az idi. Arxamı çevirən kimi üç nəfər məni izləməyə başladı və dərhal saxladılar. Əvvəl elə bildim ki, avtobusla bağlı problem var. Kanalizasiyaya maye maddə tökməyin qanunsuz olduğunu bilmirdim. Doğurdan da şok edici idi. Bu, mənə olduqca ədalətsiz görünür. Cərimənin çox ağır olduğunu düşünürəm".

Yeşilyurt həmçinin zabitələrlə qarşılaşdığı anın onun üçün "xeyli qorxuducu" olduğunu və işə gedərkən "əsdiyini" bildirib. O, avtobus dayanacaqları və zibil qutularına bu kimi hallar üçün aydın xəbərdarlıq lövhələrinin yerləşdirilməsini tələb edib.

Burcu Yeşilyurt hazırda cəriməni ödəmədiyini və məsələ ilə bağlı bələdiyyəyə rəsmi şikayət etdiyini də əlavə edib.

Telegramda izləyin