Gördüyü elan gənc qızı özündən çıxardı: "Həqiqətən həyat bitib" - VİDEO

İş axtarışı zamanı qarşılaşdığı elan bir gənc qızın sərt reaksiyasına səbəb olub.

Sonxeber.az türk mediasına istinadən xəbər verir ki, sosial mediada yayılan videoda o, iş elanları saytında rast gəldiyi "sizə pulsuz dəstək ola bilərəm" başlıqlı paylaşımı tənqid edib.

Gənc qız video vasitəsilə hisslərini ifadə edərək deyib:

"Artıq iş deyil, maaşsız işləmək təklif olunur. Həqiqətən həyat bitib. Belə bir elana rast gəldim – artıq buna elan da demək olmaz. Biri yazıb ki, "sizə pulsuz dəstək ola bilərəm".

İqtisadi vəziyyətin getdikcə ağırlaşdığını vurğulayan istifadəçi əlavə edib:

"Əvvəllər iş, təcrübə proqramı axtarırdıq, indi isə maaşsız işləmək təklif olunursa, deməli doğrudan da vəziyyət kritikdir".

Videoda səsləndirilən bu fikirlər sosial şəbəkələrdə geniş müzakirələrə səbəb olub və istifadəçilər mövcud iqtisadi şəraitin çətinliyini bir daha gündəmə gətiriblər.

Telegramda izləyin