Gənc oğlan anasını yaraladı, onun iş yoldaşını isə qətlə yetirdi

Adananın Ceyhan rayonunda dəhşətli hadisə baş verib.

Sonxeber.az türk mediasına istinadən xəbər verir ki, 23 yaşlı Süleyman K., anasının işlədiyi inşaata gələrək anasını silahla yaralayıb, onun iş yoldaşını isə öldürüb. Hadisədən sonra qaçan gənc qısa müddətdə jandarma tərəfindən saxlanılıb.

Hadisə Yalak məhəlləsindəki bir tikinti sahəsində baş verib. İddiaya görə, Süleyman K. (23) anası Cevriye K.-nın (49) işlədiyi yeməkxanaya gəlib. Naməlum səbəbdən anası və onun iş yoldaşı Şemsettin Atmaca (57) ilə mübahisə edən gənc, yanında gətirdiyi tapança ilə atəş açıb.

Güllə yarası alan Şemsettin Atmaca ağır vəziyyətdə aparıldığı Ceyhan Dövlət Xəstəxanasında həkimlərin bütün cəhdlərinə baxmayaraq həyatını itirib. Yaralanan ana Cevriye K. isə eyni xəstəxanada müalicə altına alınıb.

Hadisədən sonra qaçan şübhəli Süleyman K., jandarma əməkdaşları tərəfindən qısa müddətdə tutularaq həbs edilib. Hadisə ilə bağlı araşdırma davam edir.

Telegramda izləyin