Kəndli qız cırılmış bayrağı görəndə göz yaşlarını saxlaya bilmədi - VİDEO

Türkiyənin Mersin şəhərində yaşayan Yörük mənşəli gənc qız, kəndində Türkiyə bayrağının yarıya endirilmiş və cırılmış halda asıldığını görəndə duyğusal anlar yaşayıb.

Sonxeber.az türk mediasına istinadən xəbər verir ki, bayrağın bu vəziyyətinə etiraz edən gənc, "Bayrağımıza adi parça kimi davranılmasın" sözləri ilə etirazını bildirib.

Gənc qız həmin anı mobil telefonu ilə çəkərək sosial mediada paylaşıb. Görüntülərdə onun ağladığı və bayrağı yenidən dirəyə qaldırmağa çalışdığı əks olunub.

Gənc paylaşımında belə deyib:

"Bu çox üzücü bir haldır… Bayrağımıza adi parça kimi davranılmasını istəmirik. Niyə heç kim müdaxilə etmir? Bu videonun səlahiyyətli qurumlara çatmasını istəyirəm."

Sosial mediada paylaşılan video qısa zamanda minlərlə baxış toplayıb və geniş rezonans doğurub. İstifadəçilər şərhlərdə gənc qıza dəstək ifadə edərək,

"Bayraq müqəddəsdir, yerə düşməz"
"Sənin həssaslığın hamımıza nümunə olsun"
– kimi mesajlar yazıblar.

Telegramda izləyin