Ağacdan nar yığmaq istəyən beş yaşlı qız quyuya düşdü

Aydın vilayətinin Bozdoğan rayonunda nar yığarkən 10 metr dərinliyindəki quyuya düşən azyaşlı qız, Aydın Böyükşəhər Bələdiyyəsinin xilasetmə idarəsinin əməkdaşları tərəfindən uğurla xilas edilib.

Sonxeber.az türk mediasına istinadən xəbər verir ki, hadisə Yazıkent məhəlləsində baş verib. Məlumata görə, Yazıkent ibtidai məktəbinin yaxınlığında yerləşən bir bağda nar yığmaq istəyən F.G. adlı qız uşağı ehtiyatsızlıq nəticəsində təxminən 10 metr dərinliyində olan quyuya yıxılıb.

Qızın quyudan düşdüyünü görən sakinlər dərhal 112 Təcili Çağrı Mərkəzinə məlumat veriblər. Hadisə yerinə təcili tibbi yardım, jandarma və xilasedici qüvvələr cəlb olunub. Qısa müddətdə əraziyə çatan Aydın Böyükşəhər Bələdiyyəsinin xilasediciləri azyaşlı qızı xilas etmək üçün əməliyyata başlayıblar.

Qrupun səyləri nəticəsində F.G. quyudan çıxarılaraq təcili yardım tərəfindən ilkin tibbi yardım göstərilib və nəzarət məqsədilə xəstəxanaya aparılıb.

Qızın səhhətinin yaxşı olduğu bildirilib.

Telegramda izləyin