Məscidin həyətində gül əkən uşaqlar basdırılmış körpə meyiti tapdılar

Türkiyənin Şanlıurfa vilayətinin Siverek rayonunda dəhşətli hadisə baş verib.

Sonxeber.az türk mediasına istinadən xəbər verir ki, Fırat məhəlləsində yerləşən Fırat məscidinin həyətində torpağa basdırılmış yeni doğulmuş oğlan uşağının meyiti aşkar edilib.

Hadisə, məscid həyətində gül əkən uşaqların torpaq altında körpə meyitini görməsi ilə üzə çıxıb. Onlar dərhal vəziyyət barədə polisə məlumat veriblər.

Əraziyə polis və təcili tibbi yardım əməkdaşları cəlb olunub. Aparılan ilkin araşdırma nəticəsində körpənin yeni doğulduğu müəyyən edilib. Prokurorun hadisə yerinə baxışından sonra körpənin meyiti Siverek Dövlət Xəstəxanasının morquna aparılıb.

Polis əməkdaşları ərazidəki təhlükəsizlik kameralarını incələyərək körpəni torpağa basdıran şəxs və ya şəxslərin müəyyən edilməsi üçün araşdırmalara başlayıb.

Telegramda izləyin