Çılpaq kişi küçədə dava saldı, yol hərəkətini dayandırdı

İngiltərənin Mançester şəhərinə bağlı Bury bölgəsində gündüz saatlarında qeyri-adi hadisə yaşanıb.

Sonxeber.az xarici mediaya istinadən xəbər verir ki, Rochdale Road üzərində tam hərəkətin ortasında çılpaq bir kişi avtomobillərə hücum edərək əsl xaosa səbəb olub. Sosial şəbəkələrdə yayılan görüntülərdə həmin şəxsin yoldakı avtomobillərin şüşələrini yumruqladığı, bəzi sürücüləri qorxutduğu və park halında olan ağ mikroavtobusun qapısını açmağa çalışdığı əks olunub.

Hadisə 22 oktyabr 2025-ci il, səhər saat 11:00 radələrində baş verib. Hadisə şahidi, 20 yaşlı inşaat işçisi Marley Trippier bildirib ki, "O, bir anda peyda oldu, hamımız çaşdıq. Sanki narkotik təsiri altında idi — maşınların üstünə yeriyir, şüşələrə vururdu," – deyib. Trippier əlavə edib ki, o, hadisə zamanı atası və ögey anası ilə birlikdə qırmızı işıqda dayanmışdı: "Çılpaq adam birdən qarşımıza çıxdı, mikroavtobusun qapısını zorladı, sonra yumruqla vurdu. Bizə də hücum edəcəyindən qorxduq".

İşıq yaşıl yandıqdan sonra avtomobillər hərəkətə başlasa da, kişi yolun ortasında dayanaraq nəqliyyatın axınına mane olub.

Hadisə yerinə gələn Greater Manchester Polisi həmin şəxsi saxlayıb. Polis sözçüsü bildirib:
"Bu gün səhər saat 11 radələrində Rochdale Road-da aqressiv davranan və nəqliyyat vasitələrinə zərər verən bir kişi barədə məlumat aldıq. 25 yaşlı şübhəli xəstəxanaya yerləşdirilib və hazırda tibbi nəzarət altındadır".

Telegramda izləyin