Dini nikah zamanı bəydən 500 qram qızıl istəyən gəlinin sözləri gündəm oldu

Sosial mediada yayılan dini nikah görüntüsü qısa müddətdə böyük müzakirələrə səbəb olub.

Sonxeber.az türk mediasına istinadən xəbər verir ki, nikah mərasimi zamanı gəlin, evlənəcəyi şəxsdən 500 qram qızıl mehir istədiyini bildirib. Nikah məmurunun "Dörddəbir yox ha, 500 qram qızıl deyirsən, əminsənmi?" sualına gəlin "Yaz artıq, hocam" cavabını verib.

Sözügedən video qısa müddətdə milyonlarla dəfə izlənib və sosial şəbəkə istifadəçiləri arasında fikir ayrılığı yaradıb. Bəzi istifadəçilər "Mehir qadının haqqıdır, əlbəttə alacaq" deyərək gəlinə dəstək olublar. Digər qrup isə "Əgər pul üçün evlənirsə, xeyir gəlməz", "Hocam, sən də bir şey istəsəydin", "Mən olsam, elə oradaca tərk edərdim" kimi şərhlər yazıblar.

Görüntülər "evlilikdə mehirin rolu" mövzusunu yenidən gündəmə gətirib və həm ciddi, həm də zarafatla verilən reaksiyalarla sosial medianın ən çox müzakirə olunan mövzularından birinə çevrilib.

Telegramda izləyin