"Keçmiş və yeni sevgili" mübahisəsi davaya çevrildi – polis bibər qazı ilə müdaxilə etdi - VİDEO

Aksarayda parkda baş verən hadisə sosial mediada və yerli ictimaiyyətdə müzakirələrə səbəb olub.

Sonxeber.az türk mediasına istinadən xəbər verir ki, Ebulfeyz Elçibəy prospektində yerləşən parkda oturan bir gənc və onun sevgilisini görən bir qrup şəxs, "boşanma mərhələsində olan həyat yoldaşı" məsələsinə görə onlarla mübahisəyə başlayıb.

Qısa zamanda mübahisə qarşıdurmaya çevrilib və iki qrup bir-birinə hücum edib. Hadisə şahidləri dərhal 112 Təcili Yardım Mərkəzinə məlumat veriblər. Əraziyə gələn polis və nəzarətçi qrupları davanı ayırmağa çalışsalar da, tərəflər sakitləşmədiyi üçün bibər qazından istifadə olunub.

Buna baxmayaraq, gənclər bir müddət davanı davam etdiriblər. Nəhayət, polis onların hərəkətini nəzarət altına alıb. Tərəflər bir-birindən şikayətçi olmadıqları üçün heç kim saxlanılmayıb.

Hadisə nəticəsində 4 nəfərin yüngül xəsarət aldığı bildirilib. Polis müdaxiləsindən sonra tərəflər parkı tərk ediblər.

Telegramda izləyin