Yunanıstanda yaşayan türk qadın: "Türk olduğumu deyəndə münasibətləri dəyişdi" - VİDEO

Yunanıstana səfər edən bir türk qadın, orada qarşılaşdığı irqçi münasibəti sosial şəbəkədə paylaşaraq böyük rezonans doğurub.

Sonxeber.az türk mediasına istinadən xəbərverir ki, qadın bildirib ki, 6 ildir Kanadada yaşayır və ingilis dilini mükəmməl bilir. Buna görə də yunanlar əvvəlcə onun türk olduğunu anlamayıblar. Lakin "Türkəm" dedikdən sonra münasibətlərin dərhal dəyişdiyini söyləyib.

"6 ildir Kanadada yaşayıram, ingiliscəm yaxşıdır, ona görə əvvəlcə türk olduğumu anlamırlar. Amma "Türkəm" deyəndə davranışları dərhal dəyişir. Biz suriyalılara, əfqanlara necə yanaşırıqsa, onlar da bizə elə yanaşırlar," – deyə qadın qeyd edib.

Sosial şəbəkələrdə qısa zamanda yayılan video yüzlərlə rəy toplayıb. Bəzi istifadəçilər qadının dediklərini təsdiqləyib, bəziləri isə onun söylədiklərinə şübhə ilə yanaşıb.

Şərhlərdə bu fikirlər yer alıb:
"Biz yunanlara elə davranırıq, problem yoxdur".
"Mən belə bir şey yaşamamışam, türk olduğumu biləndə daha yaxşı davranırlar"
"Yalan danışır, yunanlar çox mehribandır və türkləri sevirlər"
"Bəlkə də sən türksən, amma ingiliscə danışdığın üçün o cür reaksiya veriblər"

Hadisə həm Türkiyədə, həm də Yunanıstanda sosial mediada geniş müzakirələrə səbəb olub.

Telegramda izləyin