Yüzlərlə qab qatığı yol kənarına tökdülər - VİDEO

Türkiyənin Mersin şəhərində ətraf mühiti çirkləndirən şəxslərə qarşı mübarizəsini davam etdirən Akdeniz Bələdiyyəsi, bu dəfə yol kənarına tökülmüş yüzlərlə qab qatıq hadisəsi ilə bağlı hərəkətə keçib.

Sonxeber.az türk mediasına istinadən xəbər verir ki, yükmaşını tipli bir avtomobildən yol kənarına qatıq tökən şəxslər bir sürücünün telefon kamerası ilə görüntülənib.

Görüntülərdə, avtomobildən düşən şəxslərin qablarla qatığı əraziyə boşaltdığı əks olunub.

Hadisəyə şahidlik edən vətəndaşın məlumat verməsi ilə hadisə yerinə gedən Akdeniz Bələdiyyəsi Ətraf Mühiti Qoruma və Nəzarət İdarəsi əməkdaşları, çirklənmiş qatığı toplayaraq yük maşınına yükləyib və ərazidən uzaqlaşdırıb.

Bələdiyyə rəsmiləri bildirib ki, ətraf mühiti və insan sağlamlığını təhlükəyə atan şəxslərə qarşı müvafiq hüquqi və inzibati tədbirlər görülməsi üçün Mersin Ətraf Mühit, Şəhərsalma və İqlim Dəyişikliyi İl İdarəsinə rəsmi məktub göndəriləcək.

Telegramda izləyin