13 yaşlı qızdan 5 gündür xəbər yoxdu

Eskişehirdə 5 gün əvvəl evdən çıxaraq itkin düşən 13 yaşlı Ezgi Beyazın tapılması üçün polis əməkdaşları əməliyyatlarını davam etdirir.

Sonxeber.az türk mediasına istinadən xəbər verir ki, məlumata görə, Esentepe qəsəbəsi, Onan küçəsində yaşayan Ezgi Beyaz, 22 oktyabr 2025-ci il tarixində ailəsinə bir dostugilə gedəcəyini bildirərək evdən çıxıb. Uşağın Kumlubel qəsəbəsi, Esenli prospektində yerləşən dostunun evinə getdiyi məlum olub, lakin oradan çıxdıqdan sonra xəbər alınmayıb.

Telefonunu evdə qoyan Ezgi Beyazdan xəbər ala bilməyən narahat ailəsi polisə müraciət edib. Polis tərəfindən itkin qızın tapılması üçün araşdırmalar başlanıb.

Ailə, qızlarını görən və ya eşidən şəxslərin 112 Təcili Yardım xidmətinə məlumat vermələrini xahiş edib.

Telegramda izləyin