Ailə mübahisəsi faciə ilə nəticələndi: oğul atasını və nənəsini bıçaqladı

Türkiyənin Uşak şəhərində ailə münaqişəsi qanlı olayla nəticələnib.

Sonxeber.az türk mediasına istinadən xəbər verir ki, Fevzi Çakmak məhəlləsində yaşayan 31 yaşlı H.Ö. evdə atası Y.Ö. ilə mübahisə edib.

Qısa müddət sonra dava böyüyüb və H.Ö. həm atasını, həm də nənəsi R.Ö.-nü bıçaqlayıb. Səsləri eşidərək evə gələn qonşuları Z.B. də şübhəli tərəfindən yaralanıb.

Hadisə yerinə təcili tibbi yardım və polis əməkdaşları cəlb olunub. Yaralılar təcili yardım maşınları ilə şəhər xəstəxanalarına yerləşdirilib.

Polis tərəfindən saxlanılan H.Ö. istintaqdan sonra məhkəməyə çıxarılıb və növbətçi hakim tərəfindən həbs edilib.

Verilən məlumata görə, o, ifadəsində hadisə zamanı spirtli içki qəbul etdiyini və baş verənləri xatırlamadığını deyib.

Telegramda izləyin