Məişət avadanlığı mağazasında uşaq təsadüfən televizoru sındırdı, atanın reaksiyası təqdir topladı - VİDEO

Xarici ölkədə yerləşən bir ticarət mərkəzinin məişət avadanlğı mağazasında maraqlı hadisə yaşanıb.

Sonxeber.az xarici mediaya istinadən xəbər verir ki, ailəsi ilə mağazanı gəzən balaca qız, sərgidə yerləşdirilən televizoru əli ilə itələyərək yerə salıb. Zərbədən televizor tamamilə parçalanıb.

Məlumata görə, sındırılan televizorun dəyəri təxminən 4 min dollar təşkil edib. Hadisə anında mağaza işçiləri çaşqınlıqla vəziyyətə müdaxilə etməyə çalışıb.

Ancaq ən çox diqqət çəkən məqam, qızın atasının reaksiyası olub. Maddi ziyana baxmayaraq, ata sakitliyini qoruyub. Sındırılmış televizorun yanında dayanan qızına əsəbləşmək əvəzinə, ata onun yanına yaxınlaşıb və balaca qızın alnından sevgi ilə öpüb.

Bu an mağazanın təhlükəsizlik kamerasına saniyə-saniyə düşüb və sosial şəbəkələrdə böyük rəğbət toplayıb.

Telegramda izləyin