Maraqlı təbiət hadisəsi: Göydən hörümçək toru yağdı - VİDEO

Tekirdağın Muratlı rayonunda sakinlər qeyri-adi mənzərə ilə qarşılaşıblar.

Sonxeber.az türk mediasına istinadən xəbər verir ki, göy üzündən süzülən və havada uçuşan nazik ağ liflər hörümçək toru təsiri yaradıb. Hadisə qısa müddət davam etsə də, ətrafdakıların diqqətini cəlb edib.

Müşahidə olunan bu iplikvari strukturların, hörümçəklərin köç etdiyi zaman tətbiq etdiyi "balonlaşma" adlanan davranış nəticəsində yaranması ehtimal olunur. Mütəxəssislərin sözlərinə görə, hörümçəklər havanın yüngül küləkli, temperaturun isə nisbətən isti olduğu payız günlərində özləri tərəfindən istehsal olunan ipək liflərini havaya buraxaraq uzun məsafələrə daşına bilirlər.

Həmin liflər küləyin təsiri ilə havada asılı qalaraq yerlərdə belə müşahidə oluna bilir. Hadisə bölgə sakinləri tərəfindən maraqla izlənib.

Telegramda izləyin