İki qrup arasında insident – Gənc qızlar hadisəni gülərək izlədilər

İstanbulun Pendik istiqamətində hərəkət edən Marmaray qatarında iki qrup arasında başlayan mübahisə qısa zamanda davaya çevrilib.

Sonxeber.az türk mediasına istinadən xəbər verir ki, hadisə axşam saatlarında Pendik istiqamətinə gedən qatarda baş verib. Naməlum səbəbdən başlayan sözlü qarşıdurma bir neçə dəqiqə ərzində fiziki toqquşmaya çevrilib. Sərnişinlərin mobil telefonları ilə çəkilən görüntülərdə bəzi gənc qızların baş verənləri gülərək izlədiyi, digər sərnişinlərin isə narahatlıq keçirdiyi əks olunub.

Dava zamanı qatar ilk dayanacaqda dayandırılıb və təhlükəsizlik əməkdaşları müdaxilə ediblər. Hadisəyə qarışan şəxslərin bir-birindən şikayətçi olub-olmayacağı hələlik bəlli deyil.

Bu insident son vaxtlar ictimai nəqliyyatda artan zorakılıq halları ilə bağlı narahatlıqları yenidən gündəmə gətirib.

Telegramda izləyin