Gəlinin anasından kürəkənə gözlənilməz reaksiya

Bir toy mərasimində gəlinin anasının kürəkənə ünvanladığı sözlər sosial şəbəkələrdə böyük müzakirəyə səbəb olub.

Sonxeber.az türk mediasına istinadən xəbər verir ki, gəlin evdən çıxmazdan əvvəl çıxış edən ana qızına bir açar verərək belə deyib:

"Qızım, bu evə çıxıb geri dönməyini istəmirəm, amma alkoqol, qadın məsələsi, narkotik – qızıma bir zərər dəysə, daşı-daşı üstə qoymaram. Qızımı asan böyütməmişəm. Doğrusu ilə, yanlışı ilə hər zaman onun yanındayam".

Daha sonra ana gəlinin gəlinliyini qaldıraraq ayaqqabısının içinə pul qoyub və "Qızımın yol pulu ayağının altındadır" sözlərini işlədib.

Hadisənin görüntüləri qısa zamanda sosial mediada minlərlə dəfə paylaşılaraq fərqli reaksiyalar doğurub. Bəzi istifadəçilər ananın sözlərini "müdrik və qoruyucu" adlandırsa da, digərləri "düğün ab-havasına uyğun olmayan sərt çıxış" kimi qiymətləndirib.

Telegramda izləyin