Parkda məktəblilərə hücum: 3 şagird döyülüb və bıçaqlanıb - VİDEO

Adananın Yüreğir rayonunun Atakent məhəlləsində yerləşən 15 İyul Şəhidlər Parkında 26 oktyabr axşamı dəhşətli hadisə baş verib.

Sonxeber.az türk mediasına istinadən xəbər verir ki, motosikletlə parkda olan iki nəfər, orada oturan lisey şagirdləri — B.K. (17), Y.K. (17) və İ.D. (17)-nin yanına gələrək bir şəxsin şəklini göstərib onu tanıyıb-tanımadıqlarını soruşub. Şagirdlər "tanımırıq" cavabını verdikdə tərəflər arasında mübahisə yaranıb.

Qısa müddət sonra motosikletli şəxslərin dostlarından ibarət daha böyük bir qrup hadisə yerinə gəlib və gərginlik davaya çevrilib. Nəticədə üç lisey şagirdi qarşı tərəf tərəfindən döyülüb və ayaqlarından bıçaqlanıb.

Hadisəni törədənlər həmin yerindən qaçıb. Ətrafdakıların məlumatı əsasında əraziyə polis və təcili tibbi yardım əməkdaşları cəlb olunub. Yaralı şagirdlər xəstəxanaya çatdırılıb və müalicələrindən sonra evə buraxılıblar.

Hücum anı yaxınlıqdakı bir iş yerinin təhlükəsizlik kamerası tərəfindən qeydə alınıb. Yaralı şagirdlər hücum edən şəxslərdən şikayətçi olublar. Polis şübhəlilərin yaxalanması üçün əməliyyat-axtarış tədbirlərinə başlayıb.

Telegramda izləyin