Tikinti işçisi 30 metr dərinliyində olan quyuya düşərək həyatını itirdi

Sakaryanın Akyazı rayonunda aparılan yol tikinti işləri zamanı baş verən faciə hər kəsi sarsıdıb.

Sonxeber.az türk mediasına istinadən xəbər verir ki, Dünən Beldibi məhəlləsində aparılan yol işləri zamanı 57 yaşlı Nafiz Özkul təxminən 30 metr dərinliyində olan quyuya düşərək həyatını itirib.

Hadisə barədə məlumat verildikdən sonra əraziyə xilasetmə, təcili tibbi yardım, AFAD və jandarma qrupları cəlb olunub. Qurtarma əməliyyatı təxminən iki saat yarım davam edib.

Sakarya Böyükşəhər Bələdiyyəsinin Yanğınsöndürmə İdarəsinin əməkdaşları quyunun dibinə enərək Özkulun cansız bədənini çıxarıblar.

Taleyin qurbanı olan Nafiz Özkulun nəşi bu gün Dokurcun qəsəbəsinin Gökçələr məhəlləsində qılınan cənazə namazından sonra son mənzilə yola salınıb.

Hadisə ilə bağlı istintaqın davam etdiyi bildirilib.

Telegramda izləyin