Ailə faciəsi: Bir şəxs əmisi və əmisi arvadını öldürdü, anası və digər qohumlarını yaraladı

Siirtin Kurtalan rayonunun Fırat məhəlləsində gecə saatlarında ailə üzvləri arasında mübahisə faciə ilə nəticələnib.

Sonxeber.az türk mediasına istinadən xəbər verir ki, yaranan dava zamanı O.A. yanında olan silahla ailə üzvlərinə atəş açıb.

Hadisə nəticəsində onun əmisi Özgür Arı və əmisi arvadı Mine Arı aldığı güllə yaralarından hadisə yerində həyatını itirib. Şübhəlinin anası M.A. eləcə də N.A. və F.A. isə müxtəlif bədən nahiyələrindən yaralanıb.

Hadisə yerinə çağırılan polis və təcili tibbi yardım əməkdaşları yaralılara ilkin yardım göstərərək onları xəstəxanaya çatdırıblar. Yaralılardan M.A.-nın vəziyyətinin ağır olduğu bildirilir.

Əmisi və əmisi arvadını öldürən, anası daxil üç nəfəri yaralayan O.A. polis tərəfindən saxlanılaraq nəzarətə götürülüb. Hadisə ilə bağlı araşdırma davam edir.

Telegramda izləyin