2 gündür işə getməyən idarə müdiri evində ölü tapıldı

Antalyanın Manavgat rayonunda xəstə olduğu üçün iki gündür işə getməyən insan resursları müdiri evində ölü halda aşkarlanıb.

Sonxeber.az türk mediasına istinadən xəbər verir ki, hadisə Kızılağaç məhəlləsində, Sağlıqçılar küçəsində baş verib.

Məlumata görə, qripə bənzər xəstəlik səbəbindən işə çıxmayan 50 yaşlı hotel əməkdaşı Ali Ateş telefon zənglərinə cavab vermədiyi üçün həmkarları tərəfindən yoxlanılıb. Dostları evə gəlsə də, qapının açılmaması və içəridə telefonun səslənməsinə baxmayaraq onun cavab verməməsi şübhə yaradıb və vəziyyət barədə polisə məlumat verilib.

Polis əməkdaşları qapını açdıqdan sonra Ali Ateşi evdə hərəkətsiz vəziyyətdə tapıblar. Hadisə yerinə çağırılan təcili tibbi yardım heyətinin yoxlaması nəticəsində onun vəfat etdiyi müəyyən olunub. Mərhumun ürək, təzyiq və şəkər xəstəliklərinin olduğu qeyd edilib.

Ali Ateşin cənazəsi prokuror və tibbi ekspertin hadisə yerində apardığı ilkin araşdırmalardan sonra Antalya Ədli Tibb Qurumu morguna göndərilib.

Hadisə ilə bağlı araşdırma davam etdirilir.

Telegramda izləyin