Şəbnəm "sildim" dediyi atası ilə BARIŞDI

Müğənni Şəbnəm Tovuzlu uzun müddət küsülü olduğu doğma atası ilə barışıb.

Milli.Az-ın məlumatına görə, sənətçi bu barədə verilişlərin birində danışıb.

O, bildirib ki, əvvəlki qalmaqallı açıqlamalardan sonra atası ilə aralarındakı problemi həll edə biliblər:

"O efirdən sonra barışdıq. Uşaqlıqdan qalan incikliklər var idi, amma aradan qaldırıldı. Dünya fanidir, sonumuzu düşünməliyik. Küsülülüklər olmasa yaxşıdır, amma içdən bağışlamaq mənim üçün çətindir. Anamı geri qaytarsa, onu bağışlaya bilərəm. Anamın adı gələndə həmişə gözüm dolur. Mənə baxan atam Əsədov Ələddindir. Doğma atamla bir yaşımdan ayrı olmuşuq, mənə xalam baxıb."

Qeyd edək ki, bundan əvvəl atası ilə münasibəti barədə belə demişdi:

"Atamla danışmıram və bu mənim üçün vacib deyil. Yalnız anama heyfim gəlir. Başqa heç nəyi bağışlamıram və bağışlamayacağam, axirətdə də eyni olacaq. Mənim atam var, o da Ələddindir. Məni xalam və onun həyat yoldaşı böyüdüb. Böyük bir nəsildə böyümüşəm, amma mənə o nəsildən maraqlı heç kim yoxdur və mən də onlara maraqlı deyiləm."

Telegramda izləyin