"Artıq bu hal əndazədən çıxıb"

Aktrisa Aydan Axundzadə marketlərdə kassanın qarşısında sıranı pozanlardan şikayətçidir.

Axşam.az xəbər verir ki, bu barədə aktrisa sosial media hesabında paylaşım edib. O, adətən sıranı pozan şəxslərin yaşlı xanımlar olduğunu vurğulayıb:

"Marketlərdə kassalarında qarşısında dayanan şəxlərdən şikayətim var. Bu, dəfələrlə yaşanır deyə, artıq məndə qıcıq yaradır. Sıra mənə çatanda qarşıma keçib, mənim sıramı pozan, üzr istəmədən, icazə almadan, heç üzümə də baxmayan insanlardan 10 nəfərindən 10-da yaşlılardır. Yəni, yaşı 65-dən yuxarı olanlar. Kassirlər bunun qarşısını alamağa çalışırlar, amma mənim daxili mədəniyyətim, tərbiyəm imkan vermir. Ola bilər yaşlı insandır, ayaqları və ya harasısa ağrıyır, gecikir, hamımız gecikirik, ya da gözləyəni var. Amma bu hal əndazədən çıxmağa başlayıb. Bu günə qədər gənclərdən, uşaqlardan və ya öz yaşıdlarımdan belə bir hərəkət görməmişəm. Bu yaxınlarda da belə bir hal baş verdi. Yaşı 70 olan bir xanım idi. Sıramı pozdu, amma kassir ona dedi ki, sizdən əvvəl xanım var. Həmin qadın dönüb məni süzdü və de ki, "eybi yox, cavandır, gözləyər, borcudur". Bunu söyləyib səbətini qoyub işinə davam etdi. Kassir üzümə baxdı ki, nə reaksiya verirəm. İşarə etdim ki, eybi yox. Durub nənəm yaşında bir insanla mübahisə etmək mənə yaraşmazdı. Amma nədənsə, həmin xanım bunu özünə yaraşdırdı. Dəfələrlə olub ki, səbətim dolu olub, məndən sonra gələn 1-2 məhsuluna görə, xahiş edib ki, tələsirəm, demişəm, heç bir problem yoxdur. İcazə alan, sıranı gözləyən gənc nəsildir. Amma nədənsə, yaşlı nəsil gənclərin tərbiyəsindən şikayət edir".

Qeyd edək ki, Aydan aktyor İbrahim Çingizlə ailəlidir. Cütlüyün bir övladı var.

Telegramda izləyin