Kafe mübahisəsi qətllə nəticələndi: 20 yaşlı gənc qız bıçaqlanaraq öldürüldü

İstanbulun Bağcılar rayonunda kafe daxilində baş verən mübahisə faciə ilə nəticələnib.

Sonxeber.az türk mediasına istinadən xəbər verir ki, 20 yaşlı Havin Taşçı, sifarişini bəyənmədiyi üçün mübahisə etdiyi keçmiş iş yoldaşı Şeymanur Ş. tərəfindən ürəyindən bıçaqlanaraq qətlə yetirilib.

Hadisə gecə saat 04:20 radələrində Sancaktepe məhəlləsində yerləşən kafelərdən birində baş verib. Bir müddət əvvəl həmin iş yerindən ayrılan Havin Taşçı, kafeni ziyarət edərək masa arxasında əyləşib və orada çalışan keçmiş iş yoldaşı 19 yaşlı Şeymanur Ş.-dən sifariş verib. Lakin gələn sifarişi bəyənməyən Taşçı ilə Şeymanur Ş. arasında mübahisə yaranıb.

Mübahisədən sonra kafenı tərk edən Şeymanur Ş. qısa müddət sonra evdən bıçaq götürərək 16 yaşlı bacısı Feyza Ş. ilə birlikdə yenidən kafeyə qayıdıb. Burada tərəflər arasında gərginlik bir daha alovlanıb və dava düşüb. Şeymanur Ş. üzərində gətirdiyi sustalı bıçaqla əvvəlcə Havin Taşçının qarnına, sonra isə ürək nahiyəsinə zərbə endirib.

Ağır yaralanan gənc qız təcili yardımla xəstəxanaya çatdırılsa da, həkimlərin müdaxilələrinə baxmayaraq həyatını xilas etmək mümkün olmayıb.

Bağcılar Rayon Polis İdarəsinin əməkdaşları hadisədən sonra Şeymanur Ş. və bacısını saxlayıb. Hadisə yerindən iki ədəd bıçaq maddi sübut kimi götürülüb. Məhkəməyə çıxarılan Şeymanur Ş. həbs edilib, 16 yaşlı bacısı isə sərbəst buraxılıb.

Prokurorluq "qəsdən adam öldürmə" maddəsi ilə istintaqı davam etdirir.

Telegramda izləyin