Futbolçuların soyunma otağında tapılan güllə böyük rezonans doğurdu

Şanlıurfa Spor ilə Beyoğlu Yeni Çarşı arasında keçirilən 2-ci Liqa, Ağ Qrupun 11-ci tur matçı öncəsi yaşanan hadisə Türk futbol gündəmini sarsıdıb.

Sonxeber.az türk mediasına istinadən xəbər verir ki, səhər saatlarında 11 Nisan Stadionunda aparılan rutin yoxlama zamanı qonaq komandanın soyunma otağında stulun üzərində bir güllə aşkarlanıb.

Hadisə dərhal komandanın rəsmiləri tərəfindən oyun nümayəndəsinə və polisə bildirilib. Beyoğlu Yeni Çarşı klubunun idari meneceri Alperen Karakaya məsələ ilə bağlı şahid qismində ifadə verib.

Hadisədən sonra stadion müdiri polisə verdiyi ifadəsində:
"Əvvəlki matçdan qalan güllədir. Mən ora qoymuşdum, təmizləmək yaddan çıxıb," – deyə bildirib.

Bu açıqlama futbol ictimaiyyətində sərt reaksiyalara səbəb olub. Sosial şəbəkələrdə minlərlə azarkeş hadisəni tənqid edərək "Bu qədərinə də inanmaq olmur!" sözləri ilə etirazlarını ifadə edib.

Soyunma otağında güllə tapılması, futbol sahəsində təhlükəsizlik məsələlərini yenidən gündəmə gətirib. Bir çox idman şərhçisi bu hadisəni "Türk futbol tarixinə düşən qara ləkə" kimi qiymətləndirib.

Son dövrlərdə hakim qalmaqalları və meydan içi gərginliklərlə diqqət çəkən Türk futbolu, bu hadisə ilə növbəti dəfə sarsılmış oldu.

Telegramda izləyin