Ana uşaqlarını qorumaq üçün xəstə meymunu güllə ilə vurdu

Amerika Birləşmiş Ştatlarının Mississippi ştatında baş verən hadisə sosial mediada geniş müzakirələrə səbəb olub.

Sonxeber.az xarici mediaya istinadən xəbər verir ki, tədqiqat mərkəzindən qaçan meymunlardan biri, uşaqlarını qorumaq istəyən bir ana tərəfindən vurularaq öldürülüb.

Beş uşaq anası Cessika Bond Ferquson, bazar günü səhər saatlarında 16 yaşlı oğlunun "Həyətdə meymun gördüm!" deməsi ilə böyük təşviş keçirib. Heidelberg qəsəbəsi yaxınlığında yaşayan Ferquson dərhal silahını götürərək həyətə çıxıb. Təxminən 20 metr uzaqlıqda duran meymunu gördükdə, onu təhlükə kimi qiymətləndirib və atəş açıb.

Ferquson hadisə ilə bağlı açıqlamasında bildirib:

"Hər bir ananın edəcəyi şeyi etdim – uşaqlarımı qorudum. Əvvəl bir dəfə atəş açdım, tərpənmədi. Sonra yenə atəş açdım və o anda yerə yıxıldı".

Casper County Şerif İdarəsi meymunun ev sahiblərindən biri tərəfindən vurulduğunu təsdiqləyib. Mississippi Təbiət, Balıqçılıq və Parklar Departamenti isə ölü meymunun nəzarət altına alındığını açıqlayıb.

Telegramda izləyin