Cadugər bayramı sonrası kabus: Sosial media fenomeni güllələndi - VİDEO

İstanbulun Kağıthane rayonunda Cadugər bayramı partisindən evinə dönən sosial media fenomeni Recep Burhan Ataman yol üstündə silahlı hücumun hədəfi olub.

Sonxeber.az türk mediasına istinadən xəbər verir ki, hadisə zamanı Ataman ağır yaralanıb, atəş açan Muhammet K. isə həbs edilib.

Ataman iki qadın dostu ilə partiyadan çıxaraq evinə qayıdarkən yolda başqa bir avtomobil sürücüsü ilə mübahisə edib. Qısa müddət sonra o, mübahisə etdiyi şəxslərin qarşısını kəsərək onlara hücum edib. Bu zaman avtomobildə olan Muhammet K. silahını çıxararaq Atamana atəş açıb. Güllə ilə ağır yaralanan Ataman xəstəxanaya aparılıb, vəziyyəti kritik olaraq qalır.

Polis hadisə ilə bağlı araşdırma apararaq Muhammet K. və yanındakı iki nəfəri saxlayıb. Atəş açan şəxs məhkəmə qərarı ilə həbs olunub, digərləri isə sərbəst buraxılıb.
Məlum olub ki, Atamanın da əvvəllər "ümumi təhlükəsizliyi pozma" və "silah qanununa zidd hərəkət" kimi cinayətlərdən polis qeydiyyatı mövcuddur.

Telegramda izləyin