Keçmiş televiziya aparıcısı anasını bıçaqlayaraq qətlə yetirib

ABŞ-ın Kanzas ştatının Viçita şəhərində yaşayan, bir vaxtlar televiziya ekranlarında xəbər aparıcısı kimi tanınan Angelynn Mock, öz anasını bıçaqlayaraq öldürməkdə ittiham olunur.

Sonxeber.az xarici mediaya istinadən xəbər verir ki, hadisə yerinə daxil olan polis əməkdaşları evdə 80 yaşlı Anita Aversi yataqda qan içində və hərəkətsiz vəziyyətdə tapıblar. Aparılan ilkin araşdırma nəticəsində Aversin bədənində çoxsaylı bıçaq xəsarətləri olduğu müəyyən edilib. Tibbi müdaxiləyə baxmayaraq, yaşlı qadının həyatını xilas etmək mümkün olmayıb.

Bu vaxt evin həyətində olan 47 yaşlı Angelynn Mock polis tərəfindən saxlanılıb. Onun bədənində kəsik izləri aşkar edilib. Mock əvvəlcə xəstəxanada müalicəyə aparılıb, daha sonra isə ifadə vermək üçün polis bölməsinə aparılıb.

Məhkəmə qərarına əsasən, o, həbs edilib.

Cinayətin səbəbi ilə bağlı araşdırma davam edir. Hüquq-mühafizə orqanları hadisənin motivi barədə hələlik hər hansı nəticə əldə edilmədiyini bildiriblər.

Məlumata görə, Angelynn Mock 2011–2015-ci illər arasında St. Louis şəhərində fəaliyyət göstərən Fox 2 telekanalında aparıcı və müxbir kimi çalışıb.

Telegramda izləyin