Qadın sərnişinlər mübahisə etdi, bədəlini taksi sürücüsü ödədi - VİDEO

İstanbulun Şişli rayonunda gecə saatlarında maraqlı hadisə baş verib. Hadisə Harbiye məhəlləsində yerləşən bir gecə klubunun qarşısında qeydə alınıb.

Sonxeber.az türk mediasına istinadən xəbər verir ki, məlumata görə, iki qadın klubdan çıxaraq taksiyə minib Gayrettepedəki başqa bir məkanına getmək istədiklərini bildiriblər.

Yol boyu qadınlar arasında mübahisə yaranıb. Məlum səbəbdən qadınlardan biri yolda taksidən düşüb. Digəri isə istiqaməti dəyişdirərək Maslaqa getmək istədiyini deyib.

Taksi təyinat yerinə çatdıqda ikinci qadın, "Bu pulu mən yox, o versin" deyərək ödənişdən imtina edib və maşından düşərək uzaqlaşıb. Beləcə, iki qadın da gediş haqqını ödəmədən taksidən çıxıb.

Məbləği ala bilməyən sürücü hadisəyə etiraz etsə də, nəticədə gediş haqqını özü ödəməli olub. Qadının taksidən düşərək uzaqlaşdığı anlar mobil telefon kamerasına əks olunub.

Telegramda izləyin