Keçmiş həyat yoldaşının yenidən evləndiyini eşidən kişi onu bıçaqlayıb

Bursanın İnegöl rayonunda 62 yaşlı Kadir B. iki il əvvəl boşandığı keçmiş həyat yoldaşı Tayyibe T.-ni bıçaqlayıb.

Sonxeber.az türk mediasına istinadən xəbər verir ki, hadisə Orhaniye məhəlləsində baş verib. Kadir.B iki il əvvəl boşandığı arvadının evinə barışmaq üçün gedib. 60 yaşlı Tayyibe T. qapını açdığı anda keçmiş həyat yoldaşı zorla evə daxil olub. Danışıq zamanı qadının yenidən ailə qurduğunu eşidən Kadir B., onu əvvəlcə döyüb, daha sonra yerə yıxaraq boğazından sıxmağa başlayıb. O, əlindəki bıçaqla qadını dəfələrlə yaralayıb.

Çarəsiz qalan qadın, Kadir B.-nin əlini dişləyərək özünü xilas etməyə müvəffəq olub və qışqıraraq evdən çölə qaçıb. Qadının səsini eşidən qonşular dərhal köməyə gəlib və təcili tibbi yardım çağırıblar.

Yaralı Tayyibe T. təcili olaraq İnegöl Dövlət Xəstəxanasına aparılaraq müalicəyə qəbul edilib. Hadisə yerinə gələn polis qrupları Kadir B.-ni saxlayaraq nəzarətə götürüblər.

Şübhəli şəxs ifadəsi alındıqdan sonra məhkəməyə çıxarılıb və həbs olunaraq həbsxanaya göndərilib.

Hadisə ilə bağlı araşdırma davam edir.

Telegramda izləyin