8 yaşlı uşaq yolu keçərkən avtomobil tərəfindən vurularaq həyatını itirib - VİDEO

Kahramanmaraşın Namık Kemal məhəlləsində yolun keçmək istəyən 8 yaşlı Güney Kayabaşı avtomobilin vurması nəticəsində həyatını itirib.

Sonxeber.az türk mediasına istinadən xəbər verir ki, hadisə axşam saatlarında Hacı Murad küçəsində baş verib. B.B. idarə etdiyi avtomobillə yolu keçməyə çalışan Güney Kayabaşıya çarpıb. Zərbənin təsiri ilə uşaq bir neçə metr uzağa uçub. Hadisə şahidlərinin çağırışı üzərinə əraziyə təcili tibbi yardım və polis qrupları göndərilib. Sağlıq işçiləri uşağın hadisə yerində dünyasını dəyişdiyini müəyyən ediblər.

İddialara görə, sürücü B.B.-nin yüksək sürətlə hərəkət etdiyi bildirilib. Hadisədən sonra ətrafda toplanan vətəndaşlar sürücünü döyməyə cəhd ediblər. Polis əməkdaşları müdaxilə edərək sürücünü kütlənin əlindən çıxarıb və təhlükəsiz şəkildə ərazidən uzaqlaşdırıb. Daha sonra o, ifadəsi alınmaq üçün polis bölməsinə aparılıb.

Güney Kayabaşıın cənazəsi isə hadisə yerindəki ekspertiza işlərindən sonra Kahramanmaraş Məhkəmə-Tibbi Ekspertiza Morguna göndərilib. Qəza ilə bağlı araşdırma davam edir.

Telegramda izləyin