Universitet tələbəsi dostunun evində ölü tapıldı

Aydının Efeler rayonunda universitet tələbəsi olan gənc qız dostunun evində ölü tapılıb.

Sonxeber.az türk mediasına istinadən xəbər verir ki, hadisə axşam saatlarında Orta Məhəllə 215-cü küçədə yerləşən bir binada baş verib.

Məlumata görə, Adnan Menderes Universitetinin 20 yaşlı tələbəsi Melisa Şəngül, dostları A.Ş. (21) və K.E. (21) ilə birlikdə vaxt keçirmək üçün dostunun evinə gedib. İddialara əsasən, bir müddət sonra Melisa yatıb, lakin dostları onu oyada bilməyib. Hadisə barədə dərhal 112 Təcili Çağrı Mərkəzinə məlumat verilib.

Əraziyə polis və təcili tibbi yardım əməkdaşları cəlb olunub. Həkimlər Melisa Şəngülün artıq həyatını itirdiyini müəyyənləşdiriblər. Onun meyiti müayinə üçün xəstəxananın morquna aparılıb. Ölüm səbəbi otopsiya nəticəsində müəyyən ediləcək.

Evdə olan A.Ş. və K.E. ifadələri alınmaq üçün polis idarəsinə aparılıblar.

Hadisə ilə bağlı istintaq davam edir.

Telegramda izləyin