Autizimli şagirdi pilləkəndən itələyən məktəb direktoru həbs edildi - VİDEO

Türkiyənin Manisa vilayətinin Turgutlu rayonunda baş verən hadisə ilə bağlı qərar verilib.

Sonxeber.az türk mediasına istinadən xəbər verir ki, Irlamaz Refik Pınar Ortaokulunun direktoru B.G. autizimli şagirdini pilləkəndən itələdiyinə görə həbs edilib.

Hadisə 13 yaşlı, 5-ci sinif şagirdi B.U.U. ilə bağlı olub. Məlumata görə, məktəbdəki təhlükəsizlik kamerasına düşən görüntülərdə direktorun uşağı pilləkənlərdən itələdiyi əks olunub. Hadisədən sonra prokurorluq tərəfindən istintaq başladılıb və B.G. haqqında axtarış qərarı verilib.

Şübhəli jandarmada ifadə verdikdən sonra məhkəməyə çıxarılıb və "özünü müdafiə edə bilməyəcək vəziyyətdə olan uşağa qəsdən xəsarət yetirmə" maddəsi ilə tutularaq həbs edilib.

Məhkəmədə ifadə verən B.G. özünü müdafiə edərək uşağı qəsdən itələmədiyini, sadəcə onu məktəbdən çıxarmaq istədiyini deyib:

"Uşağı yaxasından tutub pilləkənə tərəf yönəldirdim, o isə məni geri çəkdi və bu zaman tarazlığını itirib yıxıldı. Hadisə başqa kamera bucağından baxılsa, niyyətimin pis olmadığı aydın olar," – deyə müdafiə edib.

Hadisə görüntülərinin mediada yayılmasının ardından Turgutlu Rayon İcra Hakimiyyəti məktəb direktoruna qarşı inzibati araşdırma başladıb və onun vəzifədən uzaqlaşdırıldığını açıqlayıb.

Hadisə ictimaiyyətdə böyük narazılıq və etirazla qarşılanıb.

Telegramda izləyin