Motosikletini işə sala bilməyən sürücü əsəbiləşib onu yandırdı - VİDEO

Türkiyənin Denizli vilayətinin Pamukkale rayonunda maraqlı və bir o qədər də inanılmaz hadisə baş verib.

Sonxeber.az türk mediasına istinadən xəbər verir ki, elektrikli motosikletini işə sala bilməyən bir sürücü, əsəbinə hakim ola bilməyərək öz motosikletini yandırıb.

Hadisə Cumhuriyyət məhəlləsində qeydə alınıb. Məlumata görə, sürücü uzun müddət çalışmasına baxmayaraq motosikletini işə sala bilməyib. Əsəblərinə hakim ola bilməyən kişi, yaxınlıqdakı yanacaqdoldurma məntəqəsindən benzin alaraq, yolun ortasında dayanmış motosikletinin üzərinə töküb və alışdırıb.

Bir neçə saniyə ərzində alova bürünən motosikletin qarşısında oturan sürücü sakit şəkildə yanğını izləyib. Hadisəni görən digər sürücülər vəziyyəti 112 Təcili Çağrı Mərkəzinə bildiriblər. Əraziyə gələn yanğınsöndürən və polis qrupları qısa müddətdə alovu söndürüb.

Hadisə şahidləri bu anı mobil telefonla çəkib və hadisə yerində sürücüyə səslənərək,

"Dayı, sən nə etdin belə?" – deyə reaksiya göstəriblər.

Hadisə ilə bağlı polis tərəfindən istintaq başladılıb.

Telegramda izləyin