Naxçıvana səlahiyyətli nümayəndə təyin edilən Ceyhun Cəlilov kimdir?

Prezidentin Naxçıvan Muxtar Respublikasında səlahiyyətli nümayəndəsi təyin edilən Ceyhun Cəlilov bu təyinatadək Naxçıvanın Baş naziri vəzifəsini tutub.

"Qafqazinfo" xəbər verir ki, o, 2024-2025-ci illərdə həmin vəzifəni icra edib. 2023-2024-cü illərdə isə Muxtar Respublikasının əmək və əhalinin sosial müdafiəsi naziri vəzifəsində çalışıb.

Bildirilib ki, Ceyhun Cəlilov 1987-ci ildə Naxçıvan Muxtar Respublikasının Şahbuz şəhərində anadan olub. 2013-cü ildə Böyük Britaniyanın Esseks Universitetinin Maliyyə ixtisası üzrə magistratura səviyyəsini başa vurub, ardınca İmtiyazlı İdarəedici Mühasiblər İnstitutunda (CIMA) Strateji idarəetmə səviyyəsi üzrə təhsilini davam etdirib.

2011–2013-cü illərdə Azərbaycan Respublikası İqtisadi İnkişaf Nazirliyinin Beynəlxalq Təşkilatlarla əməkdaşlıq şöbəsində, 2013–2021-ci illərdə isə "BP Caspian" şirkətinin Maliyyə departamentində müxtəlif vəzifələrdə çalışıb. 1 mart 2021-ci ildə Dayanıqlı və Operativ Sosial Təminat Agentliyinin idarə heyəti sədrinin müşaviri, 13 avqust 2021-ci ildə isə idarə heyəti sədrinin müavini vəzifəsinə təyin edilib.

Telegramda izləyin